أنته طبعك تكسر اضلوعي بديك
فوكَ هذا وخاطرك ما ينسكر
ما تجي وتجبرلي كسرك حته أطيب
تروح وتخليني بيك انه أنجبر
وأنته مثل الظل جنت وياك اعيش
شما ركضت أعليك كَدامي تفر
وانه من أبعد تظل تركض وراي
شـرايـك أنـخلـصـه ركــض كــل الـعــمــر ؟؟
كافي.. وصلت للعـضم بسـك عــذاب
كافي .. مو حـتـه الـدمع خـضـر جـمـر
أمعزب أبطبعه النـخـل بـس من يضوج ؟
يكَوم يكَطف سعف ما يكَـطــف تمر!!.
كافي .. موحته الله وصه أعله الوصـال
وكَـــال كــل مـن مـا وصـل ناسـه كفر
وردتك اتــراويني شــمسك بــالــظــلام
بـس كَـمـت راويتني أنجوم الـضـهر
عاشـت إيدك .. هيج جازيت الهواك
بكَد حلاتك حالف اله أضوكَه مر ..
تحياتي
