![اذا ما احبك انت شلون احب الناس ؟؟؟ شعر شعبي Besmbook-01](https://2img.net/h/pic.alfrasha.com/data/media/51/besmbook-01.gif)
اذا ماحبك انت..؟؟
اشلون احب الناس ..؟؟
يا أول غرام بصغري .. وبكبري
وإذا ماشوفك انت ..
اشلون اشوف الناس ...؟؟
وآنه ابغير شوفك بي قصر نظري !!
حبيتك سهر ..
وايامي غابة ليل ..
وبس وياك اسهر
يابعد عمري
اذا مو ألك اكتب ..
ما احس بالشوگ ..
وآنه العله مودك .. اكتب ابشعري
جربتك اهواي ..
وشفتك اوفى الناس ..
يا أول حبيب اتحملت قهري
أسألني ...
ابحياتي اشگد تمر اشكال ؟؟
ليش انت الوحيد ..
الباقي ابفكري ..؟؟
وأسألني ..
ابحياتي اشبيها من اهموم
ليش آنه منشوفك ..
يطفه كل جمري ..؟؟
يا أجمل محطة ..
البيها گلبي ارتاح
يانهر الحنان .. وبالگلب يجري ...
تغفه أعيون ياما ..
وياما ، نامت ناس
وآنه ويه الاشواگ .. وملتهي ابسهري
اقرب من اشوفك ..
واحترك مرات ..
احس مني بعيد ..
ويختنگ صدري
ويمر طيفك هوى ..
واحتار اشمه امنين
وشكو احلى يعمري
من الهوى العذري ؟؟
وتسألني احبك ....؟؟؟
اي نعم والله
بس ليش انه احبك
صدكَني ما ادري
![اذا ما احبك انت شلون احب الناس ؟؟؟ شعر شعبي Nbuimyt2mee9](https://2img.net/h/dc05.arabsh.com/i/00453/nbuimyt2mee9.jpg)